අහෝ ඒ පුදුමය
වෙණ තතක් හැඩවෙනා මදු විතක් නැතුවම
මියුරුමැයි රාවය
හඩන්නේ නුඹ කොහොම මදු රසය නැතුවම
අහෝ මේ පුදුමය
කොහේ බං පුදුමය
මදුවිතත් හරි ගණන් මෙදා අයවැයෙන් දැන්
උන් ගිහින් මත් වෙන්නේ කොහොමද?
මදු විතක් නොමැතිය
මදු විතෙන් මත්නොවූ වෙණ වයන උන් ඇතිය
කඩ පිලක් අද්දරක බීඩියක් මුව කොනක
කොහේ බං පුදුමය
වීනාව කියනවා මෙලෙසට
අරුත් නැති ප්‍රීශුට්වල
ෆොටෝෂොප් වුණ ප්‍රේමයට
වඩා මොන තරම් සොදුරුද
මෙගා පික්සල් දෙකට හිනැහෙන
නුඹේ ඔය අහිංසක ප්‍රේමය.............
හොයන්නට උඹ අප්පච්චි
බත්තලන්ගුණ්ඩුවට පිටවෙච්චි
දුපතේ කොන ගෙදර බිච්චි
අස්සේ තව පොතක් බඩවෙච්චි
දෙමළ කවි සිංහලෙන් වෙඩි තියන
රෑ තිස්සේ සීරුවට මත ඔතන
ප්‍රංශ අහසට දුම් ගුලි පිබිණ
හිමිටිය එක්කලා සංසාරෙ දිගහරින
නිර්මල ඇසක් අග රැදි කඳුළු පිස්සා
මැක්කා දුන් පන්හිද පණසෙ රැක්කා
කුවන්නා දෙමළ බව උබ හොදට දැක්කා
අයිෆලේ පාමුලම කවි ලියන වෙඩ්ඩා
නේක වර්ණෙන් දිලුණු මල් පිරුණු නිල වනේ
මට ලියූ පෙම් කවිය කොයින්දා
සීරුවට මල් පිපුණු වතුසුද්ද ගහක් යට
නුඹ ලියූ පෙම් කවිය ඇහින්දා
හිරුත් සැගවෙන මහා ගගණත
අගුරු කැට ඇදි වලාවන් මැද
සඳුත් සැගවෙන අමාවක රැය
එළිය දෙන තරු මඬල නුඹමය
සිදත් හැරගිය
සුරම් මැදුරේ
යශෝ නුඹ විය
රහල් වෙමි මම
අසඩක් පවා පැනයන කලක
නියොන් එළි මැද වේදිකාවක
හුණු වටය මැද මා වඩා සිටි
ගෘෂාම නුඹ මයිකල්ය මම
මහළු වූ කොලොම්තොට
අදුරු වී ගිය අහසට
නිහඩ වූ ඔබ ගැයූ
මියුරු ගී ස්වර ඇසුණිද?
වක්කඩ ලග තුටින් රගදුන්
තිත්ත පැටවුන් රෑන
හෙලූ කදුලින් පිරුණු වක්කඩ
උතුරනව ඔබ දැක්කද?
රන්වැලි සෑය පාමුල
සොවින් බරවූ රත්නමාලිය
ඔබේ නාමයට ගයන ගීතය
ඔබේ සවනත වැටුණද?
නිල් වරල දිග හැරිය
කුණ්ඩලකේසිය සොවින්
හන්තාන පාමුල
හඩන හැටි ඔබ දැක්කද?
මෙතේ බුදු රදුන් දැක
නිවන් දකිනා තුරා
පින්සාර ලක් දෙරණ
උපදින්න පුළුවන්ද?
යුදගනාවේ පුංචි පවුලක
පුංචි පැලක
පුංචි බණ්ඩගෙයි පුංචි මැණිකගෙයි
මහතුවා
යන්තම් දහ අටට
තුවක්කුව ගෙන දෑතට
හමුදාවට
ගියේ මහතුවා
කැලෑ ගස් අස්සෙන්
ලේ පිරුණු මඩ කඩිති මැද්දෙන්
මලමිනී මැද්දෙන්
ඉදිරියට ගිය මහතුවා
තොප්පිගල කැලයේ
සොහොයුරන් ඇකයේ
වෙඩි වැදුණු පපුවේ
ලේ වැරූ මහතුවා
මහතුවා විරුවා
ආව මහතුන් කීවා
මිනිය ආ හවහා
පුංචි බණ්ඩා මියදුනා
පුංචි මැණිකා
තනියම ගෙදර උන්නා
සම්මාන පෙන්නා
ලොකු මහත්තුරු පැන්නා
විරු උපහාර එමට
තිබුනත් රටේ යමරෙට
මැණිකා තනියම
දුකින් හැඩුවේ රෑ යම
වයස නොගියත් වයසට
ගිය මැණික වැටුණා ඇදට
කිව්වේ මහතුවා ගැන
පුතා හිටියා නම් කොහොමද?
ඩොටියා
වීනාව කියනවා මෙලෙසට
